Þeir sem fóru á Austurvöll að mótmæla iðnaðarstefnu stjórnvalda þann 14. maí hafa vafalaust orðið fyrir vonbrygðum. Þannig vill til að NFS byrti fyrir slysni ranga dagsetningu, rétt dagsetning á þessum mótmælum er 24. maí.

Að sjálfsögðu munum við mæta þann dag enda viðbúið að þau mótmæli verði í kröftugra lagi. Þarna mun okkur einnig gefast tækifæri til þess að kynna mótmælin 27. maí en þau eru haldin af sama tilefni.

Við munum byrta frekari tímasetningar um leið og við heyrum af þeim. Sjáumst sem allra flest.

Okkur hafa borist nægilega mörg framlög til þess að leigja rafstöð í einn dag!!!

Við þökkum þeim sem sýndu framlagi okkar stuðning í verki og hlökkum innilega til bæði sunnudagsins og mánudagsins.

Þau ánægjulegu tíðindi bárust með hádegisfréttum NFS í dag að bókin Draumalandið eftir Andra Snæ Magnason hafi haft slík áhrif á tvo sjúkrahússtarfsmenn að þau hafi ákveðið að skipuleggja mótmæli á Austurvelli þann 14. maí næstkomandi (á sunnudaginn).

Það lýtur sem sagt út fyrir að maí verði góður mánuður fyrir andófið gegn stóriðjustefnu stjórnvalda því að daginn eftir verða mótmæli Baráttu við Nordica Hotel og allt virðist stefna í fleiri mótmæli í þessum mánuði. 

Í dag verður lagður hornsteinn að Kárahnjúkavirkjun og því er efnt til mótmælastöðu klukkan 3 við Alþingishúsið og Stjórnarráðið.

Okkur hefur borist 1500 króna framlag til þess að við getum leigt rafal fyrir mótmælin þann 15. maí. Þetta þýðir að við eigum 6500 krónur í land. Við viljum koma á framfæri þakklæti fyrir þessa gjöf.

Rétt í þessu fengum við póst um 2000 króna framlag í viðbót :) !! Takk fyrir kærlega!!!

Við höfum fengið 1000 krónur í viðbót inn á reikninginn.

Við þökkum kærlega fyrir og tilkynnum með stolti að okkur hefur áskotnast nægt fé til að leigja rafstöð í einn dag.

Við hjá Baráttu sjáum fram á að þurfa að leigja mótor til þess að knýja hljóðkerfi á mótmælum okkar við Iðnaðarstefnunni þann 15. maí við Nordica Hotel. Það mun kosta okkur 8 þúsund krónur.

Þar sem við erum, eins og svo margir aðrir, hálfgerðir öreigar væri hver króna sem fólk gæti séð af þessu til stuðnings mikils metin. Þeim sem vilja styðja framtakið er bent á að þeir geta lagt frjáls framlög inn á þennan bakareikning: 

reikningsnr: 8936

höfuðbók: 26

banki: 303

kennitala: 220786 2189

Framlög verða talin fram á þessari síðu og verði nokkur afgangur af söfnuninni verður honum úthlutað til umhverfisverndarsamtaka eða einstaklinga sem standa í stórræðum á sviði umhverfisverndar.

Einnig verða söfnunarbaukar á staðnum þann 15. maí.

Fyrirséð er að forseti Íslands muni leggja hornstein að Kárahnjúkavirkjun þann 12. maí. Meðlimum náttúruvaktarinnar, eins og öðrum umhverfisverndarsinnum, fallast hendur. Hvað er eiginlega að þegar forseti lýðveldisins slefar utan í svo landeyðandi og ólýðræðislega framkvæmd sem Kárahnjúkavirkjun er? 

Efnt verður til sorgarstöðu við Alþingishúsið og Stjórnarráðið þann 12. maí vegna þessa. Fólk er hvatt til að mæta svartklætt og sýna samstöðu með landsvæðinu sem valdastofnanir Íslenska ríkisins hafa nú sameinast um að myrða til þess að hugnast erlendum stórfyrirtækjum. 

Okkur vantar aðstoð við skipulagningu og framkvæmd mótmælanna við Nordica Hotel þann 15. Maí. VIð lýsum eftir hverjum þeim sem getur orðið að liði. Hér eru nokkur atriði sem okkur vantar hjálp við. Hafið samband ef þið viljið: baratta@visir.is

Uppákomur: Við viljum helst hafa sem fjölbreyttasta dagskrá og þess vegna lýsum við eftir einstaklingum eða hópum sem vilja og sjá sér þess fært að troða upp með tónlist, dansi, ræðuhöldum, ljóðaflutningi, gjörningum eða öðrum hætti. Hafa ber í huga að það er ekki víst að við náum að setja upp hljóðkerfi og því er best ef fólk verður þess viðbúið að troða upp rafmagnslaust.

Matur: Við hvetjum alla til að mæta með mat og drykk (óáfengan). Við verðum með grill og prímus, en ef margir mæta, þá er ekki víst að við verðum með nóg pláss fyrir alla og því væri gott ef fleiri gætu mætt með eldunargræjur. Við munum bjóða upp á dýrindis grænmetissúpu og það væri frábært ef fleiri gætu séð sér fært að koma með mat sem þeir vildu deila með öllum sem taka þátt.

Hljóðfæri og aðrar græjur: Við erum að reyna að koma okkur upp hljóðkerfi og hljóðfærum. Bæði þarf að vera sem allra best aðstaða til að spila tónlist og halda ræður, en einnig þurfum við að vopna alla mótmælendur með einhverjum hávaðagræjum. Hugmyndin er jú sú að koma skilaboðunum inn á fundinn og til þess þarf mikinn hávaða. Endilega mætið með ýlur og hrossabresti, trommur og lúðra, potta og pönnur....

Auglýsingar: Það mætir enginn ef þetta er ekki auglýst. Nú þurfa allir sem vilja hjálpa okkur að birta þetta á vefsíðum sínum, gera dreifimiða og plaköt, stensla og límmiða og segja frá þessu sem víðast.

Skilti og borðar. Það vantar fullt af skiltum og borðum með slagorðum. Allir sem vettlingi geta valdið eru beðnir um að smíða, mála og sauma. (Kannski verðum við með vinnustofu þegar nær dregur).

Notið ímyndunaraflið og sjáið hvort þið getið orðið að liði.

Alþjóð er boðið í Partí þann 15. Maí við Nordica Hotel til þess að mótmæla þeirri stefnu sem ríkisstjórnin og frammámenn viðskiptalífsins hafa markað í iðnaðar og viðskiptamálum.

Hafið þið velt fyrir ykkur hvers vegna svo fáir mæta í íslensk mótmæli? Við höfum svarið við því. Það er vegna þess að þau eru svo leiðinleg og molluleg að þau eru betur fallin til þess að drepa niður baráttuandann fremur en hitt.

Einhverra hluta vegna virðist hafa skapast hefð fyrir því að íslenskir mótmælendur standi stirðir og þegi þunnu hljóði hvar sem þeir koma saman, og í okkar huga vekur það spurningar eins og: hver hlustar á þá sem þegja? Þessu viljum við breyta og höfum við því ákveðið að gera tilraun til þess þann 15. Maí. þegar The Economist heldur ráðstefnu sem kostuð er af ALCOA, FL Group, Landsbankanum og KOM (sjá nánar: http://www.ogmundur.is/news.asp?id=658&news_ID=2601&type=one )

Eins og sjá má í bæklingnum um ráðstefnuna sem birtist á heimasíðu Ögmundar Jónassonar byrjar ráðstefnan kl. 8 og þá ætlum við sem nú erum að undirbúa þetta partí að vera komin þar saman til að snæða morgunverð og undirbúa okkur fyrir langan og hávaðasaman dag. Mótmælin munu standa jafn lengi og ráðstefnan, frá 8 um morguninn til 7 um kvöldið. Ætlunin er að fá tónlistarmenn til að troða upp og vera með nokkra gjörninga og fleira.

Dagskrá verður aulýst þegar nær dregur.

Hér á eftir fylgja nokkur atriði sem við viljum benda fólki á að kynna sér:

• Við styðjum og tökum jafnvel þátt í beinum aðgerðum. Beinar aðgerðir miða að því að hindra stofnanir, einstaklinga eða samtök í að framkvæma það sem maður er ósáttur við með öllum tiltækum ráðum.
• Við erum andvíg ofbeldi og lítum ekki á það sem tiltækt ráð. Ofbeldi skilgreinum við sem skaðlega aðför að einstaklingi. Önnur úrræði styðjum við innilega.
• Við lítum ekki á borgaralega óhlýðni sem skaðlega aðför að einstaklingi. Hún getur m.a. falist í því að mála á vinnuskúra, hlekkja sig við vinnuvélar, mótmæla á skrifstofum, hunsa fyrirmæli lögreglu eða öryggisgæslu, klippa iðnaðaráróður, æpa, bölva, steita hnefa eða með öðrum hætti að tefja, trufla og pirra þá sem framkvæma alvarlega glæpi gegn fólki og náttúru.

Það sem EKKI er gott að hafa meðferðis:

• Áfengi og/eða önnur vímuefni
• Hníf eða önnur vopn
• Þras og leiðindi varðandi aðferðir okkar
• Vonda skapið